काठमाडौँ। आज बुधबार नेपाल स्टक एक्सचेञ्ज (नेप्से) परिसूचक ६४.७० अंकले बढेको छ।

कारोबार भएदेखि नै उकालो लाग्न थालेको नेप्सेमा दोहोरो अंकको उछाल आएको हो।
कारोबार सुरु भएको दुई घन्टामै ३० अंकभन्दा माथि र १ बज्दा ५० अंकको हाराहारीमा बढिसकेको थियो।

त्यसपछि पनि निरन्तर उकालो लाग्दै बन्द हुँदासम्म १,८७४ अंकमा पुगेर रोकिएको छ। यो अंक यसअघि नेप्सेले कायम गरेको १,८८१ अंकको कीर्तिमानभन्दा ७ अंकले मात्रै कम हो।

यस क्रममा आज एक करोड ४६ लाख कित्ता सेयर किनबेच भई ५ अर्ब १३ करोड रूपैयाँ बराबरको कारोबार भएको छ।